WCB Wasafi Kufanya Kazi Na Msanii Huyu Wa Mombasa

Ndio label inayohit sana Afrika Mashariki kwa sana. Wasanii walioko katika label hii ni moja kati ya wasanii ghali  kuwapata. Mwishoni mwa wiki jana, muanzilishi wa WCB, Diamond Platinumz alikua nchini Kenya kwani alikua na show mjini Meru.

Msanii kutoka Mombasa ambaye anatamba na wimbo wake wa NYOTA YANGU, Jay Madini ni mmoja kati ya watu waliochukua fursa hio ya safari ya Diamond nchini Kenya kufikia management hio na kupanga makubwa. Akiwa na promoter wake, Morris   Mbetsa, walikua na mkutano wa zaidi ya masaa mawili na manager wa WCB, Sallam TK na kupanga mambo makubwa.

‘Nashkuru tuliweza kukubaliana na Wasafi kitu ambacho tulikua tunataka. Ni project inayonihusu mimi na WCB. Sitazungumza kwa kina kwa sasa kwa sababu kuna mengi zaidi tunafaa tuyapange na WCB ndio kuwe na mwelekeo mwafaka. Baada ya  hapo ndio tutapeana details vizuri’ Jay alieleza meza yetu ya habari.

Msanii huyo ambaye tayari amerudi mjini Mombasa anajiandaa kutayarisha video yake mwishoni mwa wiki hii na pia management yake ikishirikiana na Mzazi Willy M Tuva wa Mseto EA ambayo watakua wanazindua surprise project hivi karibuni.