Mrundiko Wa Vitambulisho Wazidi Kua Kero

Mrundiko wa vitambulisho umeendelea kuongezeka katika ofisi mbalimbali  za usajili wa kitaifa kote nchini. Mrundiko huo umekua ukiongezeka kila uchao baada ya shirika hilo kuboresha huduma za kutoa stakabadhi hizo.

Katika ofisi ya Mombasa ya Huduma Centre, kuna mrundiko wa vitambulisho Zaidi ya 4,000 ambavyo vinasubiri wenyewe kuvichukua. Vilevile katika ofisi ya Bima Towers, kuna Zaidi ya vitambulisho 5,300 ambavyo pia havijachukuliwa na wenyewe.

Katika ofisi hizo ambazo hushuhudia vitambulisho Zaidi ya 300 kuchukuliwa kila siku, wanaowasilisha maombi ya vitambolisho huvipata wiki 3 tu baada ya kuwasilisha maombi.

Mfano ni Jane Kimenju, serial number- 243395256, ambaye alikua katika ofisi ya Huduma Centre hii leo kuchukua kitambulisho chake, alituma maombi ya kitambulisho 22 Agosti 2016, kitambulisho chake kiliweza kutolewa Septemba 1 na ameweza kukipata alipofika ofisini hapo.

Shirika hilo linazidi kupeana vitambulisho 30,000 kila siku nchini ila cha kusikitisha ni kwamba wengi wanaotuma maombi ya vitambulisho hivyo hawajishuhulishi tena kufuatilia vitambulisho hivyo.

 

Mrundiko huo wa vitambulisha unaonyesha jinsi watu walivyowepesi wa kulalamikia serikali wakisema ya kwamba serikali haiwajibiki ilhali ni hao wenyewe ndio hawashuhuliki kufuatilia mambo wanayolalamikia. Swala hili la vitambulisho limekua swala nyeti kwa mda kwani kumekua na mamalimishi ya kwamba kuna sehemu zengine za nchi zimezuiliwa kupeana vitambulisho kwa maksudi, madai ambayo ukiangalia kwa kina hayanai ukweli kwani hata wanaofanya kazi za usajili wa vitambulisho katika ofisi hizo ni  wa kutoka sehemu mbali mbali humu nchini.

 

Shirika la kitaifa la usajili linaomba kila aliyetuma ombi la kitambulisho afike ofisini ili kuchukua stakabadhi hizo muhimu hususan eneo la Pwani ambalo linaongoza katika mrudiko huo wa vitambulisho katika ofisi mbalimbali.