Baada Ya Kukaa Korokoroni Kwa Wiki Mbili, Ability Wa Wasojali Band Aeleza Yaliyojiri

Ability ambaye ni mmoja wa kundi ya Wasojali Band ameeleza yaliyotokea hadi yeye kutupwa korokoroni kwa mda wa wiki mbili.

Ability alitiwa mbaroni siku Februari 10 katika eneo la Mingira, Garsen wakati walipokua wanaelekea kupiga show Hola. ‘Ilikua siku ya Ijumaa na tulikua tunaelekea Hola kwa show yetu. Tulipofika katika roadblock ya Mingira, Garsen tukafanyiwa search na tukaambiwa tutoe vibali vyetu. Nilipotoa yangu wakaniambia ya kwamba ID yangu ni fake na wakaniweka katika ulinzi.’ Ability ameeleza.

‘Nilipokuja Kenya kutoka Tanzania nilikua hat sijafikisha miaka 18. Katika kupigapiga kazi nikaambiwa ya kwamba huenda nikatiwa mbaroni kwa kua sina kitambulisho. Aliyenieleza hayo akaniambia nikimpa hela flani ataniletea kitambulisho. Kwa kua mimi ni mgeni na skua najua kwamba kuna njia maalum ya kupata kitambulisho, nilipeana hela na baada ya siku mbili nikaletea kitambulisho nikajua hio issue nishamaliza. Ability amesimulia huku akiongeza na kusema ya kwamba yeye alikua anajua ya kwamba yuko sawa tu hata siku hio ya kutiwa mbaroni alishtuka sana kuambiwa ya kwamba stakabadhi aliyokua nayo ilikua ghushi.

Baada ya kuwekwa katika ulinzi mkali, Ability alifikishwa mahakamani  jumanne iliyofuata ili kusomewa mashtaka na kurudishwa korokoroni. Baada ya kufikishwa kortini mara tatu na kukaa korokoroni kwa wiki mbili,  Februari 21, kulingana na alivyojitetea Ability alinusurika kifungo cha miaka mitano na baada yake akahukumiwa kifungo cha miezi sita au kulipa faini ya Kshs. 20,000 na kuruhusiwa kutengeneza stakabadhi sahihi. ‘Nashkuru meneja wangu, Athman Baba alishuhulikia kuachiliwa kwangu na sasa nashuhulika kupata vibali rasmi vya kuwa hapa Kenya. Yani kule ndani si kwa kukaa, ni kugumu sana na kulinifanya nijue umuhimu wa kua huru.’ Ability amemamalizia.