Kijana Wa Miaka 26 Aeleza Alivyomzidi Naibu Gavana Wa Kaunti Ya Mombasa

Joto la siasa linapamba moto wakati huu tunapokaribia uchaguzi. Hivi sasa wanasiasa wengi wapo mbioni kujipigia debe wakijiandaa kuenda katika mchujo ili wapate tiketi ya chama ambacho watakua nacho kwenye debe ifikapo Agosti 8.

Katika chama cha Jubilee,  ni wagombea wawili tu ambao watakua wanapigani tikiti  ya chama hicho kuwania nyadhifa ya useneta wa kaunti ya Mombasa, naibu wa gavana wa kaunti ya Mombasa, bi Hazel Katana na bwana Abuubakar  Swabir.  Abuubakar ambaye anajipigia  upato kumpiku bi Hazel, amesema ya kwamba kuna vigezo vitano ambavyo vinampa  ujasiri wa yeye kumuangusha bi Hazel.

‘Huu ni wakati wa mageuzi, wananchi wamechoka na uongozi uliopo ndio maana watu wanataka watu wapya kabisa na ukiangalia mpinzani wangu, yeye si mgeni wa siasa kwa hivyo sioni kama ataweza kuwa kipenzi cha wengi kwa hilo….’

‘Isitoshe, mwenzangu amekua katika serikali ya kaunti tangu kuanza kwa mfumo wa ugatuzi. Kwa miaka yote minne hio, hakuna maendeleo aliyofanyia wananchi huku mashinani. Nadhani wana,Jubilee na watu wa  Mombasa kwa ujumla wanataka viongozi wachapa kazi si wale ambao wanapotea na kusahau kwamba wananchi wanangojea maendeleo na kuonekana tu wakati wa uchaguzi.

‘Nilitangaza nia yangu kugombania useneta miaka miwili iliyopita na nimekua mashinani kwa mda mrefu nikiuza sera mashinani. Tofauti na mwenzangu ambaye  ni juzi tu ndio alitangaza nia yake baada ya kuhama chama pinzani cha ODM.’

‘Sio kwamba nina ubaguzi wa kijinsia ila tangu jadi, si Mombasa tu, wala Kenya ila Africa kwa ujumla tumekua na ugumu wa kuchagua kiongozi wa kike na ukizingatia hilo basi utaona ya kwamba nina nafasi kubwa kumpiku mwenzangu bila pingamizi…..

‘Nina ushawishi na wafuasi mkubwa kutoka kwa wanafunzi wa vyuo vikuu. Mimi ndio muanzilishi wa Muungano wa vyuo vikuu pwani almaaruf Coast University Colleges STudents Organisation ambayo niliiianzisha mnamo 2005. Toka mda huo hadi sasa nimekua nikijihusisha pakubwa na  mambo mbalimbali na wanafunzi wa vyuo hivyo basi ninaamini ya kwamba nina wafuasi wengi vijana ukizingatia ya kwamba takriban  aslimia 80 ya wapiga  kura ni vijana na wengi wao wapo katika vyuo vikuu..

Abuu ambaye alikua mgombeaji pekee kutoka Mombasa aliyepewa fursa ya kuzungumza katika mkutano wa wawaniaji wa nyadhfa mbalimbali mkoani pwani kupitia chama cha Jubilee uliofanyika katika eneo la wildwaters. Mkutano ambao ulihudhuriwa na naibu wa rais wa Kenya, Mh. William Samoei Ruto anaamini ya kwamba fursa hio inaonyesha ni jinsi gani ameweza kujiongezea umaarufu na kukubali si kwa wananchi tuu bali hata kwa viongozi.